Azərbaycan İpoteka Fondunun Mətbuat Xidməti bildirir ki, Azərbaycan İpoteka Fondunun AZ200100868 dövlət qeydiyyat nömrəli faizli, adlı, sənədsiz, təmin edilmiş istiqrazları üzrə 11 iyun 2010-cu il tarixində növbəti faiz ödənişi həyata keçirilmişdir.
      Bu istiqrazların emissiya prospekti Qiymətli Kağızlar üzrə Dövlət Komitəsi tərəfindən 29 may 2009-cu il tarixində qeydə alınmışdır. Emissiyanın ümumi həcmi 55 000 000 AZN təşkil edir, bir istiqrazın nominal dəyəri 1 000 AZN, istiqraz üzrə gəlirlilik 3% təşkil edir. İstiqrazların ilk yerləşdirmə tarixi 16 iyun 2009-cu il və ödənmə tarixi 10 may 2016-cı ildir.