Sığorta şirkəti, kredit təşkilatı, investisiya şirkəti, investisiya fondu, investisiya fondunun idarəçisi, qiymətli kağızlar bazarında lisenziyalaşdırılan şəxs, lombard, lizinq şirkəti, poçt rabitəsinin milli operatoru, valyuta mübadiləsi fəaliyyətinə lisenziya almış şəxs, habelə digər maliyyə institutları portfel zəmanətindən faydalana bilməz.

Emitentlər tərəfindən buraxılan korporativ istiqrazlar üzrə onların öhdəliklərinin icrasına Fondun zəmanət verməsi istiqrazların emissiyası yolu ilə maliyyə resurslarına alternativ çıxış imkanlarının genişləndirilməsi məqsədini daşıyır.

Qeyri-neft sektorunda fəaliyyət göstərən və Azərbaycan Respublikası ərazisində sahibkarlıq fəaliyyəti həyata keçirən korporativ istiqrazlar buraxmaq istəyən və Fondun tələblərinə cavab verən rezident kommersiya hüquqi şəxsləri bu mexanizmdən istifadə edə bilərlər.

Portfel zəmanəti mexanizmi üzrə Fond tərəfindən təminat verilməsi mikro və kiçik sahibkarların maliyyə resurslarına çıxış imkanlarının genişləndirilməsi məqsədini daşıyır və müvəkkil banklarla risklərin bölüşdürülməsi aləti kimi çıxış edir.

Portfel zəmanəti Azərbaycan Respublikası ərazisində sahibkarlıq fəaliyyətinin maliyyələşdirilməsi məqsədilə müvəkkil banka kredit sifarişi ilə müraciət edən mikro və ya kiçik sahibkarların öhdəlikləri üzrə verilir.

Fond tərəfindən zəmanətin verilməsi üçün emitent müvəkkil investisiya şirkəti vasitəsi ilə emissiya prospektinin layihəsini müvafiq sənədlərlə birlikdə Fonda təqdim edir.

Fondun səlahiyyətli orqanı müraciətə 10 (on) iş günü ərzində baxır və zəmanətin verilib-verilməməsi barədə qərar qəbul edir və 3 (üç) iş günü müddətində müvəkkil investisiya şirkətinə bu barədə yazılı bildiriş göndərir.

Zəmanətin verilməsi barədə qərar qəbul edildikdən sonra emitent tərəfindən qanunvericiliyə müvafiq qaydada istiqrazların emissiyası həyata keçirilir. İstiqrazlar üzrə zəmanətin alınma mərhələlərinə bax.

Borcalan zəmanət tələb olunan kredit sifarişi ilə müvəkkil banka müraciət edir. Müvəkkil bank borcalanın kredit sifarişinin Qaydaların tələblərinə uyğunluğunu yoxlayır, sifariş üzrə maliyyə kredit təhlili aparır və bunların əsasında müvəkkil bankın səlahiyyətli orqanı müvafiq qərar qəbul edir.

Müvəkkil bankın səlahiyyətli orqanının qərarı müsbət olduqda, müvəkkil bank Fondun zəmanəti əsasında kreditin verilməsini həyata keçirir. Müvəkkil bank portfel zəmanəti verilmiş portfelə kreditin daxil edilməsi üçün kredit barəsində məlumat formasını kredit müqaviləsi imzalandıqdan sonra 3 (üç) iş günü müddətində Fonda təqdim edir.

Portfel zəmanəti qüvvədə olduğu dövrdə müvəkkil bank Fonda komissiya ödəyir. Portfel Zəmanəti üzrə komissiyalara bax.

Zəmanətinin alınması üçün girov predmeti mütləq şərt deyil.

Portfel zəmanəti üzrə kredit portfelinə daxil olan kreditin məbləği 5 000 (beş min) manatdan az və 50 000 (əlli min) manatdan çox, kreditin illik faiz dərəcəsi 20%-dən yüksək, kreditin müddəti 3 (üç) aydan az və 3 (üç) ildən çox olmamalıdır. Hər bir kredit portfelinə daxil olan kredit üzrə zəmanət məbləğinin həmin kredit üzrə əsas borc qalığına nisbəti 60% təşkil etməlidir. Portfel Zəmanətinin verilməsi şərtlərinə bax.

Emitent Fondla müqavilə imzalamış Müvəkkil investisiya şirkətilərindən birinə müraciət edə bilər. Müvəkkil investisiya şirkətilərin siyahısı saytda yerləşdirilmişdir. Müvəkkil investisiya şirkətlərinin siyahısına bax.

Zəmanət verilən bir emissiya prospekti üzrə istiqrazların məcmu nominal dəyəri 300 000 (üç yüz min) manatdan az, istiqrazlar üzrə tədavül müddəti isə 7 (yeddi) ildən çox olmamalıdır. Bir emissiya prospekti üzrə zəmanətin yerləşdirilmiş istiqrazların məcmu nominalının və ya nominaldan aşağı qiymətlə yerləşdirildiyi (diskontla) halda onların ilkin yerləşdirmə qiymətinin (diskontlu qiymətinin) qalıq dəyərinə nisbəti 15%-dən az və 60%-dən çox olmamalıdır. İstiqrazlar üzrə zəmanətin verilməsi şərtlərinə bax.

Sahibkar portfel zəmanəti üzrə kreditlərin alınması üçün Fondla müqavilə imzalamış müvəkkil banklardan birinə müraciət edə bilər. Müvəkkil bankların siyahısı ilə müvafiq keçiddə tanış ola bilərsiz. Portfel zəmanəti üzrə müvəkkil təşkilatlarının siyahısına bax.

Sığorta şirkəti, kredit təşkilatı, investisiya şirkəti, investisiya fondu, investisiya fondunun idarəçisi, qiymətli kağızlar bazarında lisenziyalaşdırılan şəxs, lombard, lizinq şirkəti, poçt rabitəsinin milli operatoru, valyuta mübadiləsi fəaliyyətinə lisenziya almış şəxs, habelə digər maliyyə institutları portfel zəmanətindən faydalana bilməz.

Portfel zəmanəti alınan kreditlər üçün girov predmeti mütləq şərt deyildir.